الصديق اللي يبيع وداعتك
لحظة غضب
تحرقك ناره غصب
يشتعل في داخلك ألف شعله
من تناهيد القهر
ومن كثر مالجور يقتل
في حناياك بتحس
أن ما باقي سعه
لكلمة عتب !
يا تفاصيل الوجع
وش بقى في داخلي
ما تكسر ما تهشم
كنت أخضر كنت يانع ..
صرت يابس
و انكسرت !
صاحبي خان الوداعه
وبكل بساطه انسحب
وبعد ساعه
طوّق قليبه حزن
قام يسألني يقول:
يا صاحبي ليه الزعل
لا تضيق
وحنا عِشرة
من بداية هالطريق
ما درى في حجم ذنبه
أنه أكبر من طويق
يا الذهول ..!
آه من بعض الصداقه
وآه من بعض الصدق
يا كثر مالعثمونا ..,
ومكثره هالضيم فينا
بس من ضِيقه .. نطق !
ليست هناك تعليقات:
إرسال تعليق