وحده الوقت!

- وحده الوقت يرسم ظلمة الليل
على ملامحنا ويتوه !
وحده الليل يخبي غمرة الشمس
بأحزان المدينه.

أنا يا عين لو تدمع للفراق وجوه
أغني في شقى ليلي وأرحب به
وأهلي به!

ماكنت أدري ان في هالزمن
خوة خسارة وشح وخوف
كنت أعشم حيل واردد
الخيرة الخيرة!

أنا يا عمر لو أحكي عن مشاعر غربتي
في يوم
تكدر خاطر الغربة وقدم لي وطن
من حينه!

أنا ياهالزمن راضي بهالآلام والقسوة!
سكني شعور هالحزن حيره
سكني هالألم أحزان.

تعبت أغني الفرحه .. ولكن لحنها كذبة
وارسم في عيوني النور
أدور في ثرى حلمي بقايا طفلةٍ تلعب
على شط البحر تكتب أماني كل ابوها
شعور!

تلاقى حلمها الوردي في مبسمها
مع الضيقه!
تخلت عن أمانيها في لحظة
من الأسى في يوم.
خذتها يد ابوها وفارقت ذيك الأماني
وشط البحر / بتنهيده!